My passie in die lewe is kuns en kinders en ek het baie deernis en begrip vir die ontwikkelende breine wat nou maar net nie soos die massa sin wil wees nie. Vir die kinders wat eendag die wêreld gaan verander omdat hulle net nie in die blokkies wil bly waar die samelewing hulle wil in forseer nie.

Ek glo dat kunsgeskiedenis, kunsterapie, musiekgeskiedenis, musiekwaardering en musiekteorie op ‘n dieper vlak karakter in kinders in bou (bo en behalwe die wiskundige en geletterdheids waarde) en ongelooflik belangrik in hulle lewens is. By Regio leer en doen ons van al die lekker dinge in oorvloed.  Verder glo ek dat een van die beste vaardighede wat ‘n mens kan aanleer openbare redevoering is {‘public speaking’} en dat dit iets is wat jy ooral in die lewe kan gebruik en met jou saamdra, waar jy ook al gaan.  Daarom gaan ek (as Afrikaanse onderwyseres vir graad 4,5 en 6) hierdie jaar my jare lange redenaars en debats ervaring inspan om die vaardigheid by die Regio leerders onder die soeklig te plaas.